 |
| Ilustrasi Gambar: nashbary gallery |
Disalin dari kiriman FB Irwan Effendi di FBG Ranah Minang Maso Saisuak & Maso Kini
Karih bahulu sibintang timua
Bacalak salimpo alam
Padang panghulu lah tamusahua
Jauah jo dakek inyo lah paham
Basinganga sabalun paneh
Kileknyo mangalimantang
Bagi pangulu sagalo kameh
Apopun urusan pantang manupang
Karih bapantang diantak an
Karih mancamuak sendirinyo
Sapandai pandai urang mailakkan
Alun bakilek alah baqalam
Bulan lah ganok tigo puluah
Alun diliek alah paham
Rupo lah jimek dalam tubuah
Sarangnyo kayu mahadun basa
Tumbuah dilereang kalantuangan
Banyak baliuang sumbiang batuka
Kayu nan indak tarabahkan
Batangnyo sagadang banang
Daunnyo salaweh padang
Buahnyo sagadang gantang
Diambiak kini dimakan patang
Batangnyo sagadang banang
Cadiak tak suko manjua
Runciang tak namuah mancucuak urang
Sumbiang nan usah malunasi
Kok lalu di jalan rayo
Kalau mandi di aia janiah
Baiak jo buruak nan basisiah
Kok barabuak iyo manjantiak
Kalo rasan dilengganginyo
Panghulu condong ka nan baiak
Malatak an sesuatu di tampek nyo
Daunnyo slaweh padan
Padang nan laweh tak takiro
Alam leba padangnyo lapang
Tanang panghulu jo karajo
Diambiak dimakan patang
Tiok salah ado hukumnyo
Bia ketek juo gadang
Hukim nyo alah ta sadio
Kok imdak kanai di ujuang nyo
Kanani singanga ka mati juo
Kok tak tatangkok tangan kasalahannyo
Tando beti ka dapek juo.
Selengkapnya tentang Keris Minang, silahkan kunjungi Visual Heritage Blog, atau Klik DISINI
