Ilustrasi Gambar: republika
*BAKATO BANA
**BABUEK BAIAK
***MAHUKUM ADIA
Dan pabilo seorang Panghulu malangga sumpah nan lah basabuik, mako :
* KA ATEH INDAK BAPUCUAK ( yang artinyo, Habih Punah Sado Katurunannyo.)
** KA BAWAH INDAK BAUREK ( yang artinyo, Habih Sado Haratanyo.)
*** DITANGAH DIGIRIAK KUMBANG ( yang artinyo, Badan sandiri yang menanggung Parasaian nan tak Putuih-putuih.)
1.Mamaliharo harato pusako untuak diwariskan sacaro turun temurun.
2.Manjua manggadai harato pusako adalah suatu perbuatan “yang sangat TERLARANG bagi seorang Penghulu“ Dijua indak dimakan bali, Di gadai indak dimakan sando. Kalau tagak kubangan tingga, luluak dibawo sado nan lakek dibadan. Aianyo buliah diminum, buahnyo buliah dimakan, nan batangnyo tatap tingga dinan punyo.
3.Manjago anak kamankan, mamaliharo anak jo harato pancarian, manjago kamanakan jo harato pusako tinggi, mamaliharo anak jo budi, mamaliharo kamanakan dengan raso jo pareso, raso dibawo naiak pareso dibawo turun.
4.Singkek ka mauleh, lamah ka manaua, kurang ka manukuak, senteang ka mambilai, apobilo seorang kamanakan membutuahkan. Jan di padiakan nyo mamintak kapado urang lain, apolagi kapado nan balain agamo
5.Hilang ka mancari, hanyuik ka mamintasi, tabanam ka manyulami, Pengulu harus bisa menyulami permasalahan anak kamanakan baiak manyulami harto yang terpendam maupun adat yang sudah hilang dikalangan anak kamanakan.
6.Rantau jauah diulangi dakek dilinggasi, artinyo kok jauah didanga-danga kok dakek diliek-liek, kaba elok nan baimbauan kaba buruak nan baambauan.
7.Memberikan pelajaran dan mewariskan adat lamo pusako usang kepado kamanakan dan anak cucu supayo jan kahilangan urang kudian mandapek urang dahulu, Kamanakan barajo kamamak, mamak barajo ka Panghulu, Pangulu barajo kamufakat, mufakat barajo ka nan bana, bana badiri dgn sandirinyo.
Smoga kito bisa manjadi panghulu didalam diri kito masiang-masiang dan manjalankan amanah dgn bana dan kabanaran. Wallahu alam
Mohon tukuak tambahnyo kapado kito nan basamo.
Dibari maaf jiko ado salah jo khilaf
Disalin dari kiriman FB: Irwan Effendi
