Pepatah Lama

Burung balam Tabang karimbo
Masuak samak dalam jurangnyo
Sambah Jo salam dari ambo
Untuk dunsanak kasadonyo

Rumah gadang di minang kabau
Salajang Kudo jikok balari
Pulanglah Baa sanak dirantau
Silaulah kampuang Jo nagari

Marapalam sarangakai limo
Jatuah kasamak kasubaliak
Kalau kadihadang lauik Cino
Kana badan kababaliak

Silungkang jalan manurun
Manurun lari balari
Kiambang den sangko gurun
Kironyo ranjau nan mananti

Inggek-ingek sabalun Kanai
Bakulimek sabalun habiah
Rantau jauh dagang kok Sansai
Tabayang kampuang taserak tangih

Tamanuang jam gadang di bukittinggi
Tiok hari mahetong wakatu
Mangana sumpah maingek janji
Sumpah dibaok angin lalu

Rentangkan banang kalangik
Hubungkan diri nan Jo tuhan
Jalin kulindan ateh bumi
Pa arek buhua Jo manusia